Brian Pilkington hefur skapað huldustelpuna sem er merki Ferðafélags barnanna. Brian Pilkington hefur skrifað og myndskreytt fjölmargar barnabækur, sem gefnar hafa verið út hér heima og erlendis. Bækur Brians fjalla oftar en ekki um íslenska þjóðtrú og tröll og flestir kannast við einstakar teikningar hans af jólasveinunum 13 sem skreyta ljóð Jóhannesar úr Kötlum.
Ferðafélag barnanna efnir til samkeppni um nafn á huldustelpuna og vin hennar huldustrákinn og eru vegleg verðlaun í boði fyrir þá sem senda inn besta nafnið. Verðlaunahafar fá ferð fyrir fjölskylduna í Þórsmörk og allir fjölskyldumeðlimir fá einnig peysur frá Cintamani.
